ازاي عايش من غير ماتحدد أهدافك !!!
’ازاي عايش من غير ماتحدد أهدافك !!!’
ده كان تعليق سمعته من فتره ردا علي اجابتي ان مش محدد اهداف مع بدايه السنه...
مع بدايه شغلي في شركه انترناشيونال و عادة قبل نهايه السنه بنتبادل التهاني عشان السنه الجديده ...و احد من اللي شغالين معاهم بعد تبادل التهاني سألني السؤال اللي قلب حياتي بعد كده ...
’ايه اهدافك و خططك السنه دي؟’
لا مافيش خطط سعادتك ... انا ناوي بالليل النهارده اقعد علي القهوه ... عندهم شيشه عجب.
هو استغرب جدا اني مش محدد اهداف و كمان مش حاطط خطط لتحقيقها
يعني عايزني احدد اهداف و كمان خطط ... ايه الوقعه دي؟؟؟
طيب يا سيدي عايز اهداف ... خد عندك ... انا عايز ابقي التيم ليدر و بعد كده اروح شركه اكبر و اشتري شقه و اتجوز و ...
بس ... بس ايه ده ؟؟ بص يا سيدي اهداف من غير خطط لتحقيقها يبقي و لا ليها لازمه.
"أهداف بلا خطط تبقى مجرد أمنيات" - أنطوان دي سانت-أكزوبيري
الاول لازم اعرف انا عايز ايه ... و دي معظم الناس حتقولك انا عارف انا عايز ايه ... هنا بقي حاجه مهمه جدا اني لازم اتأكد ان اللي انا بأقول اني عايز احققه هو فعلا حاجه مهمه ليا و محتاجها. ساعات ناس بتجري ورا اهداف و بعد ما توصل لها تلاقي ان مش ده اللي هي عايزاه...
"التعاسة هي أن نضيع عمرنا للحصول على أشياء لا نعرف بالتحديد إن كنا نريدها حقاً أم لا" - دون هيرولد
طيب ازاي احدد اهدافي؟؟
بص يا سيدي ... الاول الهدف بيبقي عباره عن صوره في خيالنا عن اللي عايزين نحققه في مجالات حياتنا في فتره معينه ... سنه ... 3 سنين ... 5 سنين او اكتر... .الأهداف دي بتختلف من شخص لأخر علي حسب القيم و اسلوب الحياه و تعريف النجاح بالنسبه لك.
الهدف الكبير ده عشان يتحقق لازم يتكسر لاهداف اصغر لفترات اصغر تخدم الهدف الأساسي الكبير.
في حاجه مهمه بتساعد في تحديد الهدف و هي انه يكون SMART ...يعني ايه بقي ؟؟
ده اختصار للمعاني دي
· محدد بالنسبه لي. Specific –
· اقدر اقيس مدي تقدمي في تحقيقه. Measurable –
· طبعا يكون اقدر احققها. Achievable –
· له علاقه باهدافك و يكون واقعي. Realistic / Relevant–
· لازم احدد وقت و زمن معين لتحقيقه – . Time bound
مثلا : انا عايز انقص وزني 10 كجم خلال 3 شهور من دلوقتي.
يكمن المجد في محاولة الشخص الوصول إلى هدف وليس عند الوصول إليه
المهاتما غاندي
لازم بقي نحط خطه لتحقيق الهدف ده مع تكسيره لاهداف اصغر. يعني في المثال بتاعنا نقول مثلا حنقص وزني 4 كجم اول شهر و بعدين 3 كجم الشهر اللي بعده و 3 كجم اللي بعده.
شعورك ايه لما تحقق اهدافك؟
دي حاجه مهمه و تساعد كمان علي تحقيق الهدف بتاعي... لازم اتخيل اني حققت الهدف و اعيش الشعور الجميل و استحضره قدامي. ده بيديني دفعه قويه عشان اشتغل بجد علي تحقيق الهدف بتاعي لان الشعور بالهدف و النجاح بيخليني دايما مركز عليه و عايز اوصل له.
من ضمن الحاجات الي بتساعد كمان علي تحقيق الهدف اني اتكلم مع حد ثقه عني هدفي و خطتي لتحقيقه. الشخص ده ممكن يكون اخ , اخت , صديق او طبعا لايف كوتش. اللايف كوتش حيساعدك اكتر لانه عارف الطرق و الادوات اللي تساعدك علي تحقيق هدفك.
لو عايز اي مساعده من لايف كوتش كلمني عشان نبدأ مع بعض اول طريق للنجاح و تحقيق الأهداف.
ابعتولنا عن الاهداف اللي عايزين تحققوها و خلونا نتكلم في ازاي نقول الهدف يتاعنا بطريق صح عشان نقدر نحققه
Insert a long beautiful story about your business and how it has started. Tell about your team members and write an article about the Founder of this business. Insert your own photos, so customers can learn about you more and trust you. Insert a long beautiful story about your business and how it has started. Tell about your team members and write an article about the Founder of this business. Insert your own photos, so customers can learn about you more and trust you.